32 игуани, складирани во осум пластични контејнери, во куфер, од туристичка дестинација на островите Галапагос, биле пронајдени во багажот на руска државјанка, која се обидувала да го напушти аеродромот Кито, објавија еквадорските власти.
Игуаните биле пронајдени во состојба на „слабост и дехидрација“, објави Министерството за животна средина. Влекачите биле транспортирани од тим ветеринари во центар за заштита во покраината Пичинча, чиј главен град е Кито, за да ја добијат потребната нега додека „нивната состојба не се стабилизира“.
Морската игуана на Галапагос е ендемски вид и е класифицирана од Меѓународната унија за заштита на природата како „ранлива“ поради интеракцијата со луѓето и предаторството од животните внесени во тој екосистем.
