Јасно означена соработка. Одговорност кон читателите.
На Репер објавуваме и платени содржини преку кои компании, организации и други партнери ги претставуваат своите производи, услуги, проекти и иницијативи.
За нас е важно читателите да знаат кога читаат содржина што е дел од комерцијална соработка. На оваа страница објаснуваме што значи ознаката „Спонзорирана сторија“ и кои правила важат за нејзиното објавување.
Што е спонзорирана сторија?
Спонзорирана сторија е платена објава со промотивна цел. Може да содржи текст, фотографии, видео, интервју или нивна комбинација.
Материјалот може да биде доставен од партнерот или подготвен во соработка со Репер. Партнерот може да учествува во изборот на темата, доставувањето информации и усогласувањето на комерцијалната содржина.
Овој формат се разликува од независните вести, анализи и коментари на редакцијата.
Како ја означуваме?
Спонзорираните стории ги означуваме видливо на почетокот на објавата, со ознаките „Спонзорирана сторија“ и „Платена содржина“. Го наведуваме и партнерот за кого е подготвена објавата.
Комерцијалната природа треба да биде препознатлива и во најавите на Репер и при споделувањето на нашите социјални канали. Самото лого на партнерот не ја заменува ознаката за платена содржина.
Кои стандарди важат?
Платената објава не е исклучок од одговорното објавување. Бараме:
- фактите и тврдењата да бидат точни и поткрепени;
- да се почитуваат авторските права, приватноста и достоинството на луѓето;
- да нема измамнички пораки, прикриени услови или неосновани ветувања;
- комерцијалната цел и партнерот да бидат јасно претставени.
Репер го задржува правото да побара дополнителни информации или измени, како и да одбие содржина што не ги исполнува овие стандарди. Утврдените грешки ги исправаме.
Дали соработката влијае врз вестите?
Комерцијалната соработка не обезбедува поволно редакциско известување, премолчување важни факти или отстранување оправдана критика.
Одлуките за независните новинарски содржини ги носи редакцијата, според професионалната проценка и Етичкиот кодекс на Репер.
Објавувањето спонзорирана сторија само по себе не претставува препорака или гаранција од Репер за претставените производи, услуги или тврдења.
Имате забелешка?
Ако забележите неточна информација или сметате дека комерцијалната природа на некоја објава не е доволно јасно означена, пишете ни на info@reper.mk или преку контакт-формата. Наведете линк до објавата и кратко образложение.
Сакате да ја претставите вашата приказна?
За спонзорирана сторија на Репер, контактирајте нè на info@reper.mk. Испратете краток опис на темата, целта на објавата и посакуваниот период, за да ги разгледаме можностите за соработка.