Поранешниот британски премиер Џонсон на социјалната мрежа ИКС напиша:
„Не знам каква изопачена логика го натера Путин утрово да разнесе украинска локомотива на полската граница. Она што со сигурност можеме да го кажеме е дека ова е еден вид на случаен и бесмислен напад со кој Украинците се соочуваат секојдневно – дури и врз цивилниот железнички сообраќај.
Досега, Путин е одговорен за смртта на 1.700 вработени во „Укрзализница“ – Украинските железници. Тие, како и патниците кои секојдневно ги превезуваат, се вистински херои.
Кога ќе им ја дадеме противвоздушната одбрана што им е потребна? Зошто не ги одмрзнеме парите на Путин и не ѝ ги дадеме на Украина? Повеќе од 140 милијарди евра се наоѓаат на банкарска сметка во Белгија, а околу 10 милијарди фунти во Лондон. Велика Британија би можела да го предводи тој процес.
Украинците ќе победат – тоа стана јасно во последните три дена поминати во нивната прекрасна земја. Но, оваа ужасна војна ќе ја завршиме многу побрзо ако сите ние конечно станеме сериозни и им го дадеме на Украинците она што им е потребно и што го заслужуваат“, напиша Џонсон.
