Денеска е Светскиот ден на чистењето. Меѓународниот ден, забележан во календарот на Обединетите Нации се одбележува секоја година во третата недела од септември, обединувајќи милиони волонтери од повеќе од 190 земји за справување со глобалната криза со цврст отпад.
Годинашната тема е насловена „Од чисти чинии до чисти градови“. Фокусот е ставен на намалување на отпадот од храна, промовирање системи кои го претвораат органскиот отпад во ѓубриво и ефикасно користење на ресурсите и одржлив урбан развој- градење отпорни и инклузивни градови.
На Светскиот ден на чистењето, лани беа собрани над 139 милиони луѓе во 212 земји за да се справат со кризата со отпадот.
