ОВЕН (21. 3 – 20. 4)
Работа
Почетокот на периодот ви носи успех во приватниот бизнис или во јавната дејност. Со Меркур, владетелот на вашата работа, во куќата на парите, од 30 септември вложувате повеќе напори за да ги решите прашањата поврзани со наследство, поделба на имот, алиментација, кредит или стипендија. Венера, која управува со вашите финансии, на 3 октомври тргнува ретроградно, носејќи ви стари долгови и финансиски проблеми.
Љубов
Со нагласена куќа на бракот и партнерските односи, ве очекуваат конфликти, недоразбирања, кавги и расправии со саканата личност. Вашиот владетел Марс на 28 септември влегува во куќата на љубовта, носејќи им на слободните Овни нова врска и проширување на семејството. Кон крајот на периодот, поголеми се шансите за средба со стара љубов.
Здравје
Проблеми со уринарниот тракт.
Бик (21. 4 – 21. 5)
Работа
Со нагласена куќа на работата, во текот на овој период ќе бидете најмногу фокусирани на работните обврски и задачи. Месечината во вашиот знак на 28 септември активира фиксен Т-квадрат, носејќи ви конфликти со надредените и авторитетите. Истиот ден, тригонот на Меркур со Северниот Месечев јазол во куќата на кариерата ви носи напредување на работното место и успех во јавната дејност.
Љубов
Марс, планетата на конфликтите, на 28 септември влегува во куќата на приватноста, носејќи семејни конфликти. Планетата на комуникацијата, која управува и со вашиот емотивен живот, на 30 септември влегува во куќата на љубовта, а вашиот владетел Венера на 3 октомври тргнува ретроградно низ куќата на бракот, носејќи расправии со саканата личност.
Здравје
Воведете поздрави навики.
Близнаци (22. 5 – 21. 6)
Работа
Со нагласена куќа на креативноста, ве очекуваат добивки преку приватен бизнис или јавна дејност. Марс, планетата на акцијата, на 28 септември влегува во куќата на работата, носејќи можност за договор или потпишување договор за профитабилен проект. Венера, владетелот на вашите финансии, на 3 октомври влегува во куќата на работата, носејќи ви проблеми со соработниците, особено со жените.
Љубов
Преминувањето на Сонцето низ куќата на љубовта, децата и радоста, на слободните Близнаци им носи можност за влегување во нова врска и проширување на семејството. Вашиот владетел Меркур, кој управува и со вашиот приватен живот, на 28 септември прави тригон со Северниот Месечев јазол, носејќи ви контакт со личност од странство.
Здравје
Интензивирање на хроничните тегоби по 30 септември.
Рак (22. 6 – 22. 7)
Работа
Марс, кој управува со вашите финансии, по две години, на 28 септември, влегува во куќата на работата, носејќи ви можности за напредување во кариерата и зголемување на приходите, особено преку неконвенционални извори на заработка. Влегувањето на планетата на бизнисот во куќата на креативноста, по една година, на 30 септември, ви носи успех во уметничка професија или јавна дејност.
Љубов
Со нагласена куќа на приватниот живот, во текот на овој период ве очекуваат семејни проблеми. Влегувањето на Меркур во куќата на љубовта и децата на 30 септември, на слободните Ракови им носи љубов и шанса за принова во семејството. Ретроградното движење на Венера во куќата на љубовта, од 3 октомври, ви носи контакт со поранешен партнер.
Здравје
Зголемена нервоза по 30 септември.
Лав (23. 7 – 22. 8)
Работа
Вашиот владетел Сонцето, симбол на успехот, во куќата на комуникациите ви носи заработка преку пократки патувања или нови договори. Марс, по две години, на 28 септември влегува во вашиот знак, носејќи ви прилив на енергија, елан и ентузијазам за остварување на вашите цели. Ретроградното движење на Венера, планетата на парите, низ знакот на парите, од 3 октомври предупредува на финансиски проблеми и проблеми со недвижности.
Љубов
Меркур, планетата на комуникацијата, на 30 септември влегува во куќата на приватноста, носејќи ви семејни недоразбирања, кои ќе се интензивираат кога на почетокот на октомври ќе ѝ се придружи и планетата на емоциите. Тоа може да резултира со конфликти со жените во семејството. Слободните Лавови ги очекува средба со стара љубов.
Здравје
Чувствителен уринарен тракт.
Девица (23. 8 – 22. 9)
Работа
Нагласената куќа на работата, низ која поминува Сонцето, ве фокусира на заработката, но плановите ви ги нарушува опозицијата со планетите на илузиите и ограничувањата во куќата на парите. По 30 септември, вашиот владетел Меркур, кој управува и со вашата кариера, влегува во знакот на својата егзалтација, носејќи ви успех на испити, во договори и преку пократки патувања. Проблеми во комуникацијата кон крајот на неделата.
Љубов
Опозицијата меѓу Нептун, владетелот на партнерските односи, и Сонцето ви носи разочарување поради идеализирање на личност која ви премолчела дека е зафатена или на некој начин ве доведувала во заблуда. Влегувањето на Венера, планетата на љубовта, во куќата на комуникациите на 3 октомври може да ви донесе контакт или средба со стара симпатија.
Здравје
Потреба за преиспитување на одлуките по 28 септември.
Вага (23. 9 – 22. 10)
Работа
Опозициите меѓу Сонцето во вашата куќа на личноста и Нептун и Сатурн, планетите на измамите и доцнењата, ви носат промена на плановите. Влегувањето на Марс во куќата на парите на 28 септември ја поттикнува вашата креативност и организациски способности и ветува поголема заработка. Меркур во куќата на работата од 30 септември ви носи добивки, но ретроградната Венера од 3 октомври предупредува на непредвидени трошоци.
Љубов
Напнатиот аспект со Хирон, симболот на слабата точка, во куќата на партнерството на 30 септември повторно ги изнесува на површина старите проблеми во односот со саканата личност. Истиот ден, влегувањето на Месечината во куќата на љубовта, каде што веќе се наоѓа Уран, планетата на неочекуваните околности, ви носи ненадејна средба со харизматична личност.
Здравје
Чувствителен коскено-зглобен систем.
Шкорпија (23. 10 – 22. 11)
Работа
Вашиот владетел Марс на 28 септември влегува во куќата на кариерата, предупредувајќи на конфликти со колегите и надредените, особено со мажите. Меркур на 30 септември влегува во вашиот знак, носејќи ви нови контакти и можности за поголема заработка, но и поголеми трошоци. Ретроградното движење на Венера, планетата на парите, по една година, низ вашата куќа на личноста, од 3 октомври носи финансиски проблеми.
Љубов
Северниот Месечев јазол во куќата на приватниот живот на 28 септември прави тригон со планетата на комуникацијата во куќата на потсвеста, носејќи ви подобрување на односите со членовите на семејството. Владетелот на партнерските односи кон крајот на периодот тргнува ретроградно, носејќи ви контакт или средба со стара симпатија.
Здравје
Проблеми со несоница, спијте повеќе.
Стрелец (23. 11 – 21. 12)
Работа
Сонцето ја осветлува вашата куќа на плановите и парите, носејќи можности за нови начини на заработка и успех во јавната дејност. По две години, на 28 септември, планетата на акцијата влегува во знакот на успехот, каде што се наоѓа вашиот владетел Јупитер, симболот на благосостојбата и среќните околности, најавувајќи поволно решавање на финансиски и правни прашања. Послушајте го советот на Водолија или Близнаци.
Љубов
Влегувањето на Марс, владетелот на љубовниот живот, во деветтата куќа, на почетокот на периодот, носи можност за заљубување на патување, во странство или преку социјална мрежа. Венера, владетелот на општествениот живот, тргнува ретроградно, што навестува повеќе дружења и излегувања, но и средби со поранешни емотивни партнери.
Здравје
Имате потреба да бидете сами.
Јарец (22. 12 – 20. 1)
Работа
Владетелите на вашите финансии и работата во куќата на кариерата прават напнати аспекти со Нептун и вашиот владетел Сатурн, носејќи ви конфликти со надредените. Со Марс, планетата на акцијата, во куќата на парите од 28 септември, ве очекуваат поголеми приходи, но и поголеми трошоци. Кон крајот на периодот, Меркур влегува во куќата на плановите, фокусирајќи ве на општествен или политички ангажман, но бидете внимателни.
Љубов
Влегувањето на Месечината, владетелот на партнерските односи, во деветтата куќа на 28 септември, на слободните Јарци им навестува запознавање со некого на патување или во странство. Планетата на љубовта, која управува со вашиот емотивен живот, на 3 октомври тргнува ретроградно низ куќата на општествениот живот, носејќи средба со поранешен партнер.
Здравје
Можни повреди на работното место.
Водолија (21. 1 – 19. 2)
Работа
Со нагласена деветта куќа, ве очекува успех преку патувања, контакти со странци, образование, решавање правни прашања, потпишување договори, нови начини на заработка или унапредување на приватниот бизнис. Меркур, планетата на комуникацијата, по една година, на 30 септември влегува во куќата на кариерата, носејќи конфликти и проблеми со жените на работа, особено од 3 октомври.
Љубов
Влегувањето на Марс, планетата на страста, но и на конфликтите, во куќата на бракот и партнерството, по две години, на 28 септември, носи конфликти, недоразбирања, расправии, кавги и проблеми со саканата личност. Планетата на љубовта кон крајот на периодот тргнува ретроградно, изнесувајќи ги на дневен ред проблемите од минатото.
Здравје
Дополнителна претпазливост во сообраќајот.
Риби (20. 2 – 20. 3)
Работа
Нагласената куќа на парите во текот на овој период, во која се наоѓа и владетелот на вашата работа, предупредува на финансиски проблеми. Од 30 септември, кога Меркур влегува во деветтата куќа, а особено од 3 октомври, кога тргнува ретроградно, можете успешно да ги решите заостанатите правни прашања или незавршените обврски поврзани со подолги патувања, испити или запишување на студии.
Љубов
Влегувањето на Месечината, владетелот на вашиот љубовен живот, во куќата на комуникацијата на 28 септември навестува контакт или средба со еден Бик. Венера, планетата на љубовта, кон крајот на периодот тргнува ретроградно од осмиот степен на Шкорпија (страст и љубомора), носејќи можност за враќање на поранешниот.
Здравје
Внесувајте повеќе витамини.
