Американскиот претседател Доналд Трамп го објави договорот со лидерите на некои од најголемите компании за вештачка интелегенција.
Документот предвидува четири нивоа на контрола врз најнапредните модели на вештачка интелигенција, но не е правно обврзувачки. Според договореното, ВИ се потпира на саморегулацијата на индустријата, а секоја компанија е одговорна за безбедниот развој на сопствената технологија. Компаниите што ги развиваат најнапредните модели на вештачка интелигенција треба да воспостават четири нивоа на контрола и верификација.
Joint Commitment on Frontier Responsibilities, беше потпишан од Сундар Пичаи од Google, Дарио Амодеи (директор на Anthropic), Марк Цукерберг (директор на Meta), Грег Брокман (претседател на OpenAI), Илон Маск (од ХАІ) и Џенсен Хуанг (директор на Nvidia)
Според Трамп, договорот е „морално обврзувачки“ и документот на некој начин е речиси како устав.
– Компаниите треба да имаат силни внатрешни системи за следење на способностите на нивните модели за време на развојот и употребата на ВИ. Особено се потенцира кибер-безбедноста, биолошките и хемиските закани, како и спречувањето на моделите на вештачка интелигенција да пристапуваат до компјутерски системи на несакан начин.
– Компаниите треба да имаат посебен внатрешен тим што ќе проверува дали овие контроли функционираат и дали се решаваат воочените проблеми.
– Соработка со независен надворешен ревизор или проценител, кој би проверувал дали безбедносните механизми функционираат како што е предвидено.
– Независен одбор на ниво на раководството на компанијата треба да врши надзор над внатрешните и надворешните ревизии и да го следи решавањето на идентификуваните проблеми.
Потписниците се обврзаа редовно да се состануваат за да воспостават заеднички стандарди и најдобри практики за безбедноста на системите со вештачка интелигенција.
