Украинскиот министер за надворешни работи, Андриј Сибиха вчера изјави дека украинските разузнавачки служби, како и разузнавачките служби на земјите партнери, располагаат со информации за, како што тврди, конкретни руски планови за напади врз земји членки на Европската Унија.
Сибиха рече дека Русија се обидува да ја намали поддршката за Украина преку создавање безбедносни ризици и вршење притисок со операции на територијата на европските земји.
„И европските разузнавачки служби и ние имаме информации за руските планови. Постојат јасно разработени планови со цел напад врз една или друга европска земја. Тие постојат и разузнавачките служби знаат за нив. Треба да бидеме подготвени за тоа. Најважно е да се спречат“, изјави Сибиха, пренесува „Укринформ“.
