Градоначалникот на Град Скопје и Претседател на ЗЕЛС, Орце Ѓорѓиевски остварил средба со делегацијата на Бордот на директори на Европската банка за обнова и развој, со цел да се продлабочи соработката за реализација на стратешките инвестиции за Скопје.
„Секој проект мора да решава вистински проблем, а секоја инвестиција да носи конкретна придобивка за скопјани.
Посебен акцент ставивме на Брзиот автобуски превоз – БРТ. Веќе е започната постапката за претквалификација на изведувачи за Линија 1, а паралелно продолжуваат активностите за обезбедување стручна поддршка за реализација на проектот“, информираше Ѓорѓиевски.
На средбата се разговарало и за пречистителната станица за отпадни води во Трубарево, инвестиција во заштита на водите, животната средина и здравјето на граѓаните.
Потврдена била и определбата за понатамошна соработка во модернизацијата на инфраструктурата, енергетската ефикасност и реализацијата на Зелениот акциски план за Скопје.
