Рускиот претседател Владимир Путин изјави дека Русија „ќе ги исполни своите задачи“ во Украина. Изјавата следува откако шефот на Кремљ се согласи да ги продолжи преговорите за мир со посредство на САД.
Путин рече дека целта на најавените трилатерални разговори ќе биде да се разговара за тоа како да се обезбеди безбедноста и на Украина и на Русија по склучувањето на мировниот договор.
,,Во секој случај, ќе ги исполниме нашите задачи и сите цели на Специјалната воена операција ќе бидат исполнети. Што се однесува до нашите преговори со претставниците на администрацијата на Соединетите Американски Држави, да, се согласивме дека сме подготвени да ги продолжиме нашите трилатерални контакти. Целта на овие разговори ќе биде да се разговара за тоа како да се обезбеди безбедноста и на Украина и на Русија по склучувањето на мировните договори – поточно, дефинитивни, долгорочни договори, наместо само прекин на непријателствата за краток период. Ние сме подготвени да ги продолжиме овие контакти за да ја постигнеме оваа цел“, рече рускиот претседател, Владимир Путин.
Во разговор за руската телевизија, Путин истакна дека „се чини несоодветно да се зборува за какви било територијални загуби“, бидејќи луѓето од окупираните територии гласале за повторно обединување со Руската Федерација.
,,Прво, мојот став за ова прашање е дека ова не е нивна територија, тоа е територија на историска Русија. Покрај тоа, луѓето што живеат на овие територии гласаа за државна независност. И како втор чекор – сакам да го нагласам ова – тие гласаа за повторно обединување со Руската Федерација. Затоа, се чини несоодветно да се зборува за какви било територијални загуби”, изјави лидерот на Русија, Владимир Путин.
