На самитот на ЕУ во Брисел, германскиот канцелар Фридрих Мерц и лидерите од други богати земји-членки инсистираат на значителни намалувања на предложениот буџет за периодот 2028-2034 година.
И натаму нема знаци за компромис, конфликтот се продлабочува. Предлогот што е предмет на дискусија предвидува буџет од приближно 1,826 трилиони евра за период од седум години. Оваа сума е веќе за околу 159 милијарди евра помала од првичниот предлог на Европската комисија.
Додека Германија и другите земји кои се нето-уплатувачи во буџетот бараат кратења, бројни земји-членки предупредуваат дека веќе нема простор за дополнителни намалувања. Се работи за држави кои добиваат повеќе средства од заедничката каса на ЕУ отколку што уплаќаат – особено преку фондови наменети за развој на помалку развиените региони.
