Сите вонредни безбедносни проверки на патниците, кои беа спроведени поради денешниот неуспех на еден од операторите за копнено опслужување, се успешно завршени, соопшти белградскиот аеродром
„НиколаТесла“ .
Компанијата им се заблагодари на патниците за нивното трпение и разбирање за време на вонредните процедури, како и на своите служби и партнери за нивниот професионален и брз одговор.
Имено, на аеродромот „Никола Тесла“ во Белград денес околу 17 часот, поради пропуст од страна на една од компаниите за копнено опслужување, се случи грешка во задолжителниот проток на патници, што доведе до итна контрола на сите патници во засегнатата зона.
Поради вонредната состојба, пасошката контрола, скенерите и контролните пунктови беа затворени, а летовите привремено суспендирани. На аеродромот толпа луѓе останаа заглавени. Според информациите, инцидентот предизвикал доцнење на бројни летови.
