Овој продолжен викенд ќе го пречекаме со промена на временските услови. УХМР за денес најавува повремени локални врнежи од дожд во утринските часови, а во текот на денот умерен до засилен ветер од северен правец.
Промената ќе биде проследена со зголемена облачност, додека во одредени делови од земјата ќе има и сончеви периоди.
Саботата пак ќе биде со постабилно време и температури кои ќе се движат од 23 степени до 25 степени.
Ќе преовладува променливо облачно време со сончеви периоди, а ќе дува слаб до умерен ветер од јужен правец.
Минималните температури ќе се движат од 1 до 9 степени, додека максималните ќе достигнат од 16 до 23 Целзиусови степени.
Според најавите на синоптичарите во поголемиот дел од земјата не се очекуваат значителни врнежи во текот на денот.
Во недела, 25 октомври, се очекува ново зголемување на облачноста, проследено со повремени локални врнежи од дожд.
Температурите ќе останат релативно високи за овој период од годината.
Утринските температури ќе бидат од 1 до 9 степени, а дневните од 16 до 23 степени.
Ќе дува слаб до умерен ветер од јужен правец, додека врнежите нема да бидат рамномерно распоредени низ целата држава.
