Масовни протести против технолошкиот гигант Мета се одржаа пред канцеларијата на компанијата во Сао Паоло, поради наводно мешање во изборите во Бразил.
Измнатата недела, Мета ги негираше обвинувањата дека дејствувала со политичка пристрасност за време на претседателската кампања во Бразил, помалку од еден ден откако Изборниот суд во земјата пресуди дека платформата мора да им даде еднаков третман на актуелниот претседател Луиз Инасио Лула да Силва и на кандидатот на опозицијата Флавио Болсонаро пред вториот круг од изборите на 25 октомври.
Тужбата беше иницирана од кампањата на Лула, која тврдеше дека компанијата што ги поседува Инстаграм, Фејсбук и WhatsApp користи пристрасни алгоритми и ограничувања за вештачка интелигенција во корист на Болсонаро.
Тужбата во Бразил е одраз на поврзаните случаи во Европа, меѓу кои се Романија и Германија, каде што судовите претходно интервенираа за да ги исправат нерамнотежите на платформите.
Мета како одговор рече дека серија неодамнешни проблеми со платформата произлегуваат од неповрзани глобални технички грешки, строги мерки против измами и усогласеност со регулативите, а не од целно потиснување.
Мета инсистира дека нејзините системи не дистрибуираат содржина врз основа на политичка идеологија и нагласи дека правилата се применуваат подеднакво.
Компанијата соопшти дека имала два глобални технички прекини претходно во октомври: еден прекин го замрзнал бројот на прегледи на Инстаграм Рилс во повеќе од 100 земји, додека дистрибуцијата на содржината останала во границите на норма, а друго накратко го прекина креирањето реклами од постоечките објави на Инстаграм во една од нејзините алатки за еден ден.
