Речиси 19.000 потрошувачи останале без електрична енергија во Черниговската област, во северниот дел на Украина, по руски напад врз енергетски објект, соопшти компанијата „Черниговобленерго“.
Во нападот бил оштетен објект за снабдување со електрична енергија, поради што голем број потрошувачи во Черниговскиот округ останале без струја.
Од компанијата соопштиле дека техничките екипи ќе започнат со итни поправки веднаш штом безбедносните услови го дозволат тоа.
