Американскиот државен секретар Марко Рубио од 5 до 8 октомври ќе престојува во Исланд, Грција и Португалија, каде што со претставници на трите земји ќе разговара за економската и безбедносната соработка.
Рубио најпрво ќе го посети Рејкјавик, каде што ќе се сретне со исландски претставници за прашања поврзани со економската и безбедносната соработка.
Потоа ќе отпатува во Атина, каде што ќе ја предводи американската делегација на шестата сесија на Стратешкиот дијалог меѓу САД и Грција. На средбите ќе се разговара за одбранбената соработка, регионалната и енергетската безбедност.
Последната станица на Рубио ќе биде Лисабон, каде што со португалски претставници ќе разговара за унапредување на соработката во областа на одбраната, економијата и технологијата.
