Федералниот судија Тимоти Кели нареди администрацијата на американскиот претседател Доналд Трамп веднаш да ги врати акредитациите за новинарите на CNN,MS NOW и Politico, откако трите медиуми беа отстранети од Белата куќа.
Наредбата е привремена и важи 14 дена, освен ако судот не донесе поинаква одлука. Судијата оцени дека медиумите најверојатно не добиле соодветна процедура пред да им бидат одземени акредитациите.
Трите медиуми ја тужеа администрацијата, тврдејќи дека забраната го прекршува Првиот амандман на американскиот Устав и правото на новинарите на соодветна правна процедура. Министерството за правда, пак, тврдеше дека пристапот до Белата куќа е привилегија и дека администрацијата имала овластување да го суспендира.
