Украина треба да добие нов претседател „кој може да постигне договор“, изјави денеска американскиот претседател Доналд Трамп, повторно критикувајќи го украинскиот претседател Володимир Зеленски поради нападите врз руските нафтени рафинерии и нивното влијание врз светскиот пазар на дизел-гориво.
„Предлагам да добијат нов лидер кој може да постигне договор. Мислам дека е време Украина да добие нов претседател“, изјави Трамп, одговарајќи на новинарски прашања за руските напади врз Украина и договорот што го постигнал со Русија за испораките на дизел-гориво, пренесува АП.
Трамп го критикуваше Зеленски и украинските напади врз руските нафтени рафинерии, наведувајќи дека тие влијаат врз снабдувањето со дизел-гориво на светскиот пазар.
