Американскиот претседател Доналд Трамп вели дека продолжувањето на нападите врз Иран ќе биде „ограничено“, но предупреди дека тоа не значи дека ќе нема напади.
Пред новинарите во Овалната соба, претседателот рече дека американскиот напад врз иранскиот остров Ларак во неделата бил „ограничен“ и уште еднаш потврди дека бомбардирањето од страна на САД и Израел ја направиле Исламската Република „неуспешна нација“.
“Тие се пропадната нација. Имаат инфлација од 350 проценти. Немаат валута. Не им плаќаат на своите војници. Нивните лидери се во голема мера мртви. Нивната морнарица ја нема, нивните воздухопловни сили ги нема, нивната опрема за надзор е речиси целосно исчезната. Тоа не значи дека нема да ги удриме. Ќе видиме што ќе се случи”, изјави американскиот претседател Доналд Трамп.
Шефот на Белата Куќа, исто така, го отфрли прашањето дали војната со Техеран ги осиромашува американските залихи на оружје.
