Украинскиот претседател Володимир Зеленски ја критикуваше ограничената брзина на сателитските услуги на Старлинк, нарекувајќи ја „опасно и непријатно изненадување“. Зеленски предупреди дека украинските сили веќе не можат да соборуваат одредени беспилотни летала, а Киев работи на обезбедување алтернативни.
„Користиме специјални дронови пресретнувачи кои патуваат со голема брзина и работат преку Старлинк. Старлинк не беше исклучен, неговата брзина беше намалена. Тоа е многу загрижувачко. Тоа значеше дека не можевме да користиме алатка за одбрана, за заштита на цивилното население“, изјави украинскиот претседател Зеленски.
Зеленски истакна и дека Украина добива разузнавачки информации од десетици земји, што претставува значајна помош за нејзината одбрана. Информациите за лансирање балистички ракети, како што рече, ги добива од САД.
Зборувајќи на прес-конференција во Брисел, Зеленски, исто така, го критикуваше договорот за дизел гориво на американскиот претседател Доналд Трамп со Русија.
На Самитот во Брисел со лидерите на Европската Унија, украинскиот претседател побара дополнителна поддршка од партнерите и истакна дека војната ќе чини 155 милијарди евра следната година, а на Киев му се потребни уште најмалку 70 милијарди евра за одбрана и за оружје.
