Војната продолжува, Кремљ тврди дека поразот на Украина се приближува

Русија ги продолжува интензивни воздушни напади врз Украина со дронови, ракети и удари врз цивилна и логистичка инфраструктура.Украинските власти предупредуваат дека Москва се обидува да ја исцрпи противвоздушната одбрана и да го претвори секојдневниот живот на цивилите во непрекината вонредна состојба.
Портпаролот на Кремљ, Дмитриј Песков изјави дека, според проценката на Русија, поразот на Украина се приближува со секој изминат ден и дека украинското раководство е свесно за тоа.
Од Брисел пристигнуваат сигнали дека Европската Унија подготвува ново проширување на санкциите против Русија. На листата со рестриктивни мерки се планира да бидат додадени околу 1.600 физички и правни лица.