Македонската фудбалска репрезентација денеска од 20.45 часот на Националната арена „Тодор Проески“ ќе ја пречека Швајцарија во првиот меѓусебен дуел од Лигата на нации.
Селекторот Гоце Седлоски е задоволен од подготовките и најавува максимален фокус на сопствената игра.
„Знаеме дека Швајцарија има силен состав, но најважно е ние да гледаме на себе. Очекувам поддршката од публиката да биде нашиот играч плус и верувам во позитивен резултат“, изјави Седлоски.
Еден од клучните фактори за успех вечерва е и поддршката од трибините.
„Ова е нашиот дом и мора да го покажеме својот идентитет“ – капитенот Енис Барди очекува полн стадион кој ќе им даде дополнителен ветер во грб на фудбалерите.
