Основната тема во говорот на претседателот на Соединетите Американски Држави, Доналд Трамп пред Генералното собрание на Обединетите Нации, беше дека САД остануваат доминантна сила на светската сцена. Трамп ја објасни неговата стратегија ,,Америка на прво место”. Првите неколку минути од својот говор ги помина зборувајќи за домашни прашања како што се невработеноста, криминалот и сиромаштијата.
Претседател Трамп изјави дека под негово водство, Америка е посилна од кога било и дека земјата ќе ја искористи таа сила за да се соочи со непријателите, да ги заштитити интересите и да го забрани комунизмот.
„Нашата економија е предмет на завист на светот. Нашата војска е најмоќна на Земјата. Нашата технологија е ненадминлива и ние сме водечки во практично се, истакна американскиот претседател Доналд Трамп.
Потоа се префрли на меѓународни прашања, вклучувајќи ја и војната што САД ја водат против Иран, која сега е повеќе од шест месеци, и се бори да ја заврши пред среднорочните избори во ноември.
Тој, исто така, зборуваше за плановите на САД во Куба, пред да зборува за она што го смета за свој најголем успех, а тоа е способноста на САД да го отстранат венецуелскиот лидер Николас Мадуро од функцијата.
,,Додека другите зборуваа, јас дејствував. Додека другите зборуваа за мир, јас создадов мир. Додека други ги игнорираа заканите, јас се соочив со нив. Додека други зборуваа за храброст, Америка ја покажа. Додека други ветуваа сила, јас ја искористив за да ја направам Америка најмоќната земја во светот. Работејќи со многу народи во оваа просторија, решаваме децении нерешливи предизвици – и решаваме години незавршена работа”, изјави претседателот Трамп.
Тој ги спомена своите таканаречени вештини за склучување договори во помагањето да се стави крај на неколку конфликти, дури и додека се бори да стави крај на повеќе од шестмесечната војна со Иран.
