Од одделот за глобални прашања на
,,Антропик” предупредуваат за ризиците за кибер безбедноста што ги претставува вештачката интелигенција. За време на настан, на маргините на годишниот собир на ММФ во Бангкок, Мајкл Селито од ,,Антропик” рече дека бариерите за влез на кибер напаѓачите во битка со лоши актери се намалиле и дека бранителите од вакви напади заостануваат и немаат средства да ги спречат. Коосновачот и раководител на политиката на ,,Антропик”, Џек Кларк, дискутираше за ризиците што ги претставува вештачката интелигенција, споредувајќи ја со автомобил од Формула 1 ноќе без сопирачки.
На претходен настан за влијанието на вештачката интелигенција врз светската економија, шефицата на ММФ, Кристалина Георгиева, исто така, изјави дека итно се потребни заштитни мерки за да се спречат потенцијалните ризици од растот на вештачката интелигенција.
Некои од најмоќните луѓе во технолошкиот сектор преземаат чекори за да ги разгледаат правата на вештачката интелигенција заедно со правата на луѓето и животните. Таквото верување би можело да го преобликува нашиот свет, а некои се плашат дека исходот би можел да биде катастрофален.
