Обвинителството за гонење на организиран криминал и корупција отвори нова истрага за газдата на дискотеката „Пулс”, Дејан Јованов. Тој е осомничен за давање поткуп на вработен во министерството за економија за да добие лиценца, иако знаел дека неговиот објект не ги исполнува условите за угостителска дејност.
Поради опасност од бегство на осомничениот за ова кривично дело, за кое е предвидена казна затвор од една до 10 години, како и фактот дека против него се води уште една кривична постапка за Тешки дела против општата сигурност, јавниот обвинител до Основниот кривичен суд Скопје достави предлог за определување мерка притвор.
Јавното обвинителство оценува дека притворот е апсолутно неопходна мерка за обезбедување на присуството на овој осомничен, ценејќи ги сите околности и основи.
Службеното лице кое го примило поткупот веќе е обвинето и против него се води судска постапка за дејствија на примање поткуп.
