Кубанската електрична мрежа се распадна во петокот, оставајќи милиони луѓе низ целиот остров без електрична енергија.
Прекинот на струја стана се почест во последните две години, откако САД воведоа енергетска блокада. Ограничувањата ја спречуваат владата во Хавана да го увезува горивото потребно за работа на своите термоелектрични централи, како и резервни делови потребни за одржување на инфраструктурата која во многу случаи е застарена.
Дури и кога националната електрична мрежа работи, Кубанците трпат прекини што траат повеќе од 30 последователни часа со катастрофални последици за населението и во сите сектори на економијата.
Прекините на електричната енергија имаат значително влијание врз населението и, во комбинација со енергетското ембарго, доведоа до ограничувања во транспортот, намалено работно време, откажувања на летови и сериозни последици по јавното здравје.
Двата најнови прекини на електричната енергија на национално ниво се случија на почетокот на август.
