Мицкоски разговарал со Максим Димитриевски: Идниот месец лидерска средба на коалиционите партнери

  • 2 минути читање
Додај го Репер како претпочитан извор во

Во врска со изјавата на лидерот на ЗНАМ, Максим Димитриевски, дека неговата партија ќе ја напушти Владата доколку биде усвоен законот за правосудниот систем, Мицкоски оцени дека владината коалиција е стабилна.

– За ставот на Димитриевски ќе го прашате него. Владата се избира со мнозинство во Парламентот, а тоа мнозинство изнесува 61 пратеник. Во моментов имаме многу повеќе од 61 пратеник, така што Владата е стабилна, можеби и најстабилна во овој дел од Европа, па и пошироко. Продолжуваме да испорачуваме за граѓаните она што е важно за нив – рече премиерот.

Тој потврди дека разговарал со Димитриевски и за можноста за лидерска средба, посочувајќи дека коалициска лидерска средба е планирана за декември.

Одговарајќи на прашање дали по изборите во Брвеница ВЛЕН ќе добие помалку функционерски места, Мицкоски рече дека нема намера да отстапува од договореното при формирањето на владината коалиција во јуни 2024 година.

– Ова не е прашање на математика, туку на суштината на договорот постигнат при формирањето на коалицијата во јуни 2024 година. Немам намера да бидам жртва на дневната политика, затоа што зборот е збор. Договорот важи до 2028 година, кога се редовните парламентарни избори. Разговаравме со раководството на ВРЕДИ и одлучивме, откако ги дефиниравме другите позиции за важни државни прашања во периодот што следува, на работно ниво, преку кадровските партиски комисии, да ги искристализираме предлозите – изјави Мицкоски.

Најнови вести