Најмалку 14 лица загинаа, а исто толку беа повредени откако руски дрон погоди преполна платформа на главната железничка станица во украинскиот град Днипро, соопштија локалните власти.
Меѓу повредените има и 11-годишно момче, изјави шефот на регионалната администрација, Олександр Ханжа. Во моментот на нападот, на една од платформите се наоѓал патнички воз што сообраќал кон јужниот град Запорожје.
Украинскиот претседател Володимир Зеленски го осуди нападот и повика на дополнителни санкции против Русија од страна на САД, Европа и земјите од Г7.
Во меѓувреме, во руски ракетен напад врз центарот на Чернихив загинаа две 15-годишни девојчиња, а најмалку 25 лица беа повредени, меѓу кои и четири деца.
Во градот Кременчук, руски напад со дрон врз станбени објекти и училиште однесе три животи, додека 28 лица беа повредени.
За петок е прогласен ден на жалост во Днипро и Чернихив.
Нападите се случуваат во период на зголемени удари врз украинската железничка инфраструктура. Според податоците на украинскиот железнички оператор „Укрзализниција“, од почетокот на руската инвазија во февруари 2022 година биле погодени 521 локомотива, а речиси 60 отсто од нив биле погодени во текот на оваа година.
