Тензично во Италија. Полицијата се судри со демонстрантите на улиците на северниот италијански град Торино.
Стотици студенти од крајната десница излегоа на улиците во Рим кој во моментов е под засилена безбедност, откако властите ги блокираа луксузните трговски улици и ги засилија контролите пред планираните демонстрации.
Организаторите се обидоа да се дистанцираат од потенцијални немири, повикувајќи ги учесниците да ги држат лицата откриени и рацете видливи.
Рикардо Понцио, национален претседател на Италијанското екстремно десничарско студентско здружение, рече дека не прифаќаат да бидат претставувани од оние кои ги користат проблемите и потребите за да уништат цели градови.
Одделен антивоен марш почна во центарот на Рим, а постојат загрижености за можна инфилтрација на насилни групи. Протестен марш под слоганот „Италија надвор од војната” почна на плоштадот „Пјаца дела Република” во Рим и ќе продолжи кон улицата „Виа деи Фори Империјали”.
Освен во Рим и Милано, демонстрации се организирани во најмалку седум други градови. Италија распореди војници во Милано, модната и финансиска престолнина која пред една недела беше мета на грабежи и судири на улиците.
