Високите цени на енергенсите предизвикани од војната со Иран веројатно ќе се задржат одредено време, предупреди директорката на Меѓународниот монетарен фонд, Кристалина Георгиева.
Дури и ако конфликтот наскоро заврши, високите цени на енергенсите веројатно ќе останат уште некое време, а фјучерсите за нафтата од типот „Брент” предвидуваат високи цени на нафтата се до 2027 година.
Годишните состаноци на Меѓународниот Монетарен Фонд и Светска банка треба да почнат следната недела во Бангкок.
Георгиева предупреди дека ситуацијата на пазарите на енергенси и забрзаниот развој на вештачката интелигенција дополнително ги зголемуваат инфлациските притисоци. Царините, зголемените трошоци за одбрана и високите нивоа на јавен долг, исто така, би можеле да поттикнат раст на инфлацијата.
,,Притисокот врз цените би можел и дополнително да се зголеми како што расте побарувачката и како што се приближува студената сезона на северната хемисфера и како што земјите ги обновуваат своите резерви”, изјави Георгиева пред годишните состаноци на ММФ и Светската банка.
