Продолжува судењето за случајот „Државна лотарија“, во кој обвинети се поранешниот вицепремиер Артан Груби, поранешниот директор Перпарим Бајрами и уште шест лица.
Осомничените се теретат за злоупотреба на службената положба и проневера на околу 600 милиони денари од буџетот на Државна лотарија при набавка на видеолотариски терминали.
На претходното рочиште сведочеше директорот во Државна лотарија, Владо Петковски, кој кажа дека за набавката имало физибилити-студии, мислења и финансиски план. Тој негираше дека Бајрами му кажал дека за секоја одлука мора да се консултира со Артан Груби. Поради разлики меѓу неговиот исказ во истрагата и сведочењето во судница, Обвинителството побара дополнително испрашување, на што се спротивстави одбраната.
Куќниот притвор на Артан Груби истекува на 13 октомври, за што тој побара враќање на пасошот и понуди гаранција од околу 300.000 евра.
