Оттаму појаснуваат дека причината за ваквата одлука се должи на градежните активности што Министерството за образование и наука ги реализира во дел од училиштето, а кои сè уште не се завршени. МОН даде согласност наставата да се одвива од далечина до создавање услови за безбедно враќање на учениците во училишните клупи. Најважно е децата да бидат безбедни и наставата да започне без дополнителни одложувања.
Општина Центар побара од Министерството информација за точниот рок и динамиката за завршување на работите и очекува тие да завршат во најкус можен рок, за учениците што побрзо да се вратат на редовна настава, велат во соопштението до медиумите.
