Жени во повеќе од 20 градови во Полска денеска протестираа поради недостигот од пристап до бесплатен и легален абортус, обвинувајќи ја либералната влада на премиерот Доналд Туск дека не го исполнила ветувањето за ублажување на строгите закони во оваа област.
Стотици жени демонстрираа пред полскиот парламент во Варшава, и покрај изобилниот дожд.
Протестите се одржаа иако парламентот во вторникот усвои два предлог-закона чија цел е ублажување на правилата за прекин на бременоста. Сепак, според „Асошиејтед прес“ (АП), се очекува конзервативниот претседател Карол Навроцки да стави вето на предложените измени.
