Познатиот пејач самиот се пријавил во локалната болница по неговиот настап во саботата вечерта во Форест Парк, за да му бидат направени неколку медицински испитувања, објавува ТМЗ.
Лекарите проверуваат дали станува збор за блага дехидратација, според извор на медиумот пејачот се надева дека ќе биде пуштен од болница во вторник.
Сведоци на концертот за ТМЗ велат дека Лајонел кон крајот на настапот изгледал како да има одредени здравствени потешкотии. За време на изведбата на неговата последна песна, „Цела ноќ“, тој побарал од својот тим да му донесе столче за да може да седне.
Лајонел Ричи исто така беше итно пренесен во болница во јуни, откако му се слошило на сцена за време на концерт во Сент Пол, Минесота.
77 годишниот пејач ѝ кажал на публиката дека се чувствува „вртоглаво“ и „чудно“, по што го прекинал настапот предвреме. Потоа, болничари го пречекале зад сцената и со амбулантно возило го однеле во болница.
