Папата Лав ја напушти болницата „Џемели“ во Рим, четири дена по операцијата за рак на белите дробови.
На 71-годишниот папа му беше отстранет долниот лобус од десното белодробно крило откако лекарите идентификуваа сомнителен канцероген нодул. Операцијата потврди дека има аденокарцином, најчестиот вид рак на белите дробови.
Неговиот личен лекар и хирург изјавија дека папата Лав е подготвен за отпуштање од болницата врз основа на резултатите од крвните тестови и рендгенската снимка на градите направена во сабота наутро, заедно со проценка на неговата клиничка состојба.
Лекарите се уште ги чекаат резултатите од тестовите за да го разберат прецизниот молекуларен и генетски состав на ракот, дали се проширил надвор од лобусот и дали е потребен понатамошен третман.
