Летото полека привршува, а со тоа и нашиот гардеробер се менува. Есенските нијанси се враќаат, а потемните тонови ненаметливо стануваат неопходен дел од нашиот изглед. Во мода и натаму остануваат негувани нокти на рацете и на нозете. Традиционалните летни бои заминуваат во заборав до следната летна сезона, а на сцена стапува палетата на бои за есен 2026 година.
Одново се бараат добропознатите тонови на вино и чоколадо, похрабри нијанси како пригушена сина и маслинесто-зелена или млечно-розовата како незаменлив класик. Лаковите со висок сјај се особено посакувани, бидејќи прават длабоките бои да изгледаат богато и уредно, наместо тешко или безживотно.
Тексасно сина (Denim Blue)
Пригушената сина боја со примеси на сива делува речиси како неутрална нијанса.
Таа потсетува на омилениот пар темни фармерки, одлично се вклопува во постудената есенска палета на бои и делува помеко од класичната темно-сина.
Винско- црвена (Merlot Red)
Нијансите на темна цреша, мерло и црвено вино со причина се есенски класици. Тие се доволно длабоки за да одговараат на сезоната, а истовремено ја задржуваат топлината и сензуалноста на црвениот лак.
Маслинесто зелена (Olive green)
Земјена, смирувачка и изненадувачки лесна за носење, маслинесто-зелената боја веќе се етаблираше како модерен есенски класик – како за маникир, така и за педикир.
Најдобро изгледаат со кремаста завршница и целосна покривност.
Топла кафеава (Warm brown)
Од карамела и килибар до кафе и темно чоколадо, кафеавата боја оваа есен пристигнува во цела палета на тонови. Посветлите нијанси нудат благ премин од лето кон есен, додека чоколадно-кафеавата изгледа луксузно и софистицирано.
Млечно-розова (Milky pink)
Розовата боја им дава на ноктите уреден и негуван изглед, одговара на секој тен и лесно се комбинира.
