УХМР за денес најавува променливо облачно време, пад на температурите и северен ветер што на места ќе надминува 60 километри на час.Во северните делови ќе има услови за дожд и повремен снег на повисоките планини.
Според најавите на симоптичарите, времето ќе биде посвежо, а северниот ветер ќе дува умерено до засилено, повремено и силно. Утринските температури ќе се движат од минус три степени во Маврово до осум степени во Гевгелија, додека дневните ќе достигнат од седум до 17 степени.
Во Скопје ќе биде променливо облачно и посвежо, со можност за дожд и умерен северен ветер. Температурата ќе се движи од пет до 13 степени.
