Краен рок е 23 ноември

Фондацијата „Европска престолнина на културата – Скопје 2028“ објави повик за проекти

  • 1 минута читање
Додај го Репер како претпочитан извор во

Какви културни настани и уметнички проекти треба да го одбележат Скопје во 2028 година?

Фондацијата „Европска престолнина на културата – Скопје 2028“ ја објави нацрт-програмата за култура и ги повикува граѓаните да учествуваат во нејзиното обликување со свои идеи, предлози и забелешки.

Повикот е отворен за сите – граѓани, уметници, млади, културни работници, независни организации, образовни институции и креативната индустрија. Целта е програмата да ги одразува различните интереси и потреби на градот, да отвори простор за нови културни содржини и да ги вклучи сите заедници.

Можете да предложите културни настани, уметнички проекти, активности за деца и млади, иницијативи за зачувување на културното наследство, поголема пристапност до културата или нови начини за оживување на јавните простори.

Не е потребен разработен проект – доволни се добра идеја и кратко образложение за тоа како таа може да придонесе за културниот живот на Скопје.

Испратете ги вашите предлози на info@skopje2028.mk, со назнака „Јавна консултација – Програма за култура на Скопје 2028“.

Краен рок: 23 ноември 2026 година.

Најнови вести