Уште еден пациент почина од последици од Западнонилската треска по 28-дневно лекување на Клиниката за инфективни болести.
Станува збор за 66-годишен пациент со невроинвазивна форма на болеста, кој бил на механичка вентилација и имал повеќе придружни заболувања.
Директорот на Клиниката, д-р Фадил Цана, информираше дека ова е деветти смртен случај од Западнонилска треска.
Досега на Клиниката биле хоспитализирани 66 пациенти со оваа болест, а во моментов се лекуваат 11, од кои еден е во потешка состојба.
