Стартуваше вакцинацијата против сезонски грип. Речиси 25.000 граѓани досега се пријавиле за вакцинација против грип преку порталот vakcinacija.mk.
Бесплатната вакцинација ќе биде наменета за ризичните категории граѓани, додека се очекува и нова испорака на БСЖ вакцини за новороденчињата.
Бесплатната вакцинација е наменета за: лица на возраст над 65 години, лица со хронични заболувања, бремени жени, здравствени работници, деца на возраст од шест месеци до пет години, лица сместени во установи за социјална заштита на стари лица и вработените во овие установи.
Првите 30 илјади дози од вакцината за сезонски грип веќе пристигнаа во земјава, а според најавите на Министерството за здравство, до средината на ноември се очекуваат уште 26 илјади дози.
Станува збор за тривалентна вакцина против грип за сезоната 2026 година, која, според Министерството, ги исполнува утврдените критериуми за квалитет. За неа се обезбедени сертификат од производителот и сертификат од референтна лабораторија за контрола на квалитетот во рамките на мрежата на официјалните контролни лаборатории за лекови. Првата пратка е обезбедена преку заем во рамките на меѓународната соработка со соседните држави, во конкретниот случај преку УНИЦЕФ и Албанија.
