Превоз на патници

ДЗС: Се помалку се користи автобускиот превоз во земјава

  • 1 минута читање
Додај го Репер како претпочитан извор во

Автобусите во Македонија од јули до септември 2026 година превезле 8.091.000 патници, наспроти 8.832.000 во истите три месеци лани. Според податоците на Државниот завод за статистика тоа е пад од 8,4 проценти.

Најголемата разлика е во градскиот превоз, каде што бројот на патници се намалил од околу 4,5 милиони на 3,96 милиони. Бројот на патници кои користат градски превоз е намален за 12.1 насто.

Градските автобуси поминале и помалку километри — 2,33 милиони, за 11,6 проценти помалку од лани. За споредба, на сите линии заедно автобусите поминале 12,7 милиони километри, што е годишно намалување од два насто. И приградските линии бележат 5,7 насто помалку патници.

Зад малиот пад во меѓуградскиот превоз има разлика меѓу редовните линии, на кои бројот на патници пораснал за 6,7 проценти и организираниот превоз на ученици и работници, каде што се намалил за 7,1 насто.

На меѓународните линии биле превезени околу 171.000 патници, за 0,8 насто помалку од лани, а на меѓуградските околу 771.000, за 0,5 проценти помалку.

Најнови вести