Најмалку 13 луѓе загинаа, а 30 се повредени во Египет, откако туристички автобус се судри со камион на главниот автопат што го поврзува Каиро со јужниот дел на земјата.
Според Министерството за Здравство бројот на жртвите е прелиминарен, бидејќи проценката на повредените е во тек. Пациентите се хоспитализирани во болница во Гиза.
Надлежните органи продолжуваат да работат на расчистување на последиците од несреќата и преземаат соодветни правни мерки.
Изминатата година, речиси 6000 луѓе загинаа во сообраќајни несреќи низ целата земја, објави египетската државна агенција за статистика.
Изминатиот месец, во автобуска несреќа на Синај загинаа 22 лица, вклучувајќи 10 јордански туристи.
