Во кинеската покраина Јунан изграден е втор панорамски лифт за искачување по стрмна карпа, кој ќе помогне на децата од оддалеченото планинско село Ничухе да стигнат до своето училиште.
Новиот лифт, наречен „Скала Фујао“, е висок 288 метри над дното на кањонот, што го прави еден од најимпресивните надворешни лифтови во светот. Децата од селото Ничухе, коешто се наоѓа длабоко во Големиот Кањон на реката Ничу, претходно мораа да пешачат околу три часа по опасен планински пат за да стигнат до основното училиште во селото Гуангжаи.
Првиот лифт, наречен „Скала Ќинѓун“, беше пуштен во употреба во 2022 година. Висок е 268 метри и е вграден во вертикална карпа.
Изградбата на првиот лифт беше голем логистички подвиг и привлече внимание од јавноста во Кина и ширум светот. Сепак, неговата популарност донесе нов „проблем“, бидејќи туристи почнаа да се собираат во тој дел од земјата за да се возат со лифтот.
