Познатите личности и оваа година не штедеа на креативноста за Ноќта на вештерките, претставувајќи необични, впечатливи и понекогаш бизарни костими. Од трансформацијата на Ким Кардашијан во сопствената ќерка Норт Вест, до крвавата маска на Хајди Клум, холивудските ѕвезди повторно се погрижија да бидат во центарот на вниманието.
Парис Хилтон одлучи да ја имитира Бритни Спирс од нејзиниот познат настап на доделувањето на MTV наградите, кога пејачката се појави со змија околу вратот.
View this post on Instagram
Актерот Нил Патрик Харис и неговиот сопруг Дејвид Буртка избраа заеднички костим инспириран од морничавите близначки од култниот хорор филм „The Shining“.
View this post on Instagram
Пејачката Лицо се маскираше во лик од аниме-серијал, со впечатлива трансформација и протетички додатоци.
Посебно внимание привлече Ким Кардашијан, која една од своите маскирања ја посвети на нејзината најстара ќерка Норт Вест, целосно имитирајќи го нејзиниот изглед.
View this post on Instagram
Нејзината сестра Кортни Кардашијан и сопругот Тревис Баркер, пак, инспирацијата ја пронајдоа во култниот филм „Scarface“, претставувајќи ги ликовите на Ал Пачино и Мишел Фајфер.
View this post on Instagram
Сепак, титулата за најнеобичен костим повторно ѝ припадна на Хајди Клум. Манекенката се појави маскирана како сопствена отсечена рака, со реалистични детали, вени, нокти и ткиво, со што уште еднаш ги помести границите на креативноста за Ноќта на вештерките.
View this post on Instagram
Со ваквите изданија, ѕвездите и оваа година покажаа дека за нив Ноќта на вештерките е многу повеќе од обична забава, тоа е можност за вистински моден и креативен спектакл.
