Најмалку две лица загинаа, меѓу кои и едно 14-годишно дете, во поплавите што ја погодија Турција по изобилните врнежи од дожд. Надлежните забележале дури 1.277 поплавени места во Истанбул, вклучувајќи 800 домови и 280 канцеларии.
Канцеларијата на гувернерот на Истанбул соопшти дека денеска наставата е во прекин, а на државните службеници со попреченост и мајките со мали деца им е дадено отсуство. Во сила е и забрана за возење мотоцикли која ќе важи додека ситуацијата не се стабилизира.
Гувернерот апелираше до жителите да не излегуваат без итна потреба, а на оние кои живеат во подрумски станови им беше кажано ноќта да ја поминат на друго место.
