Вршителката на должност претседател на Србија, Ана Брнабиќ, изјави дека претседателските избори ќе бидат распишани во уставниот рок, најдоцна до 27 ноември.
Таа посочи дека, доколку во меѓувреме бидат формирани органите на новата власт, изборите ќе ги распише новиот вршител на должноста претседател.
Брнабиќ го повика новото парламентарно мнозинство што поскоро да ја формира власта, а најави и дека конститутивната седница на парламентот ќе ја свика во најкраток можен рок по објавувањето на конечните резултати од парламентарните избори.
Во врска со помилувањата што ги донесе поранешниот претседател Александар Вучиќ, Брнабиќ изјави дека тие не се во надлежност на вршителот на должноста претседател и дека не може да коментира за нив.
Вучиќ поднесе оставка на 27 септември, а ден подоцна ѝ ја предаде претседателската должност на Брнабиќ, заедно со претседателскиот печат и документацијата.
Пред оставката, тој донесе одлука за помилување и аболиција на 49 лица, чии имиња досега не се објавени во јавноста.
Парламентарните избори во Србија се одржаа на 25 октомври, а според прелиминарните резултати, победи Студентската листа.
