Европската комесарка за проширување, Марта Кос, на 4 ноември ќе го претстави Пакетот за проширување на Европската Унија за 2026 година, соопшти Европскиот парламент.
Пакетот ги опфаќа извештаите на Европската комисија за десет држави кандидатки и потенцијални кандидатки за членство во ЕУ. Во нив ќе биде оценет напредокот на секоја земја во спроведувањето на реформите поврзани со европската интеграција.
По објавувањето на извештаите, постојаните известувачи на Комисијата за надворешни работи на Европскиот парламент ќе подготват нацрт-резолуции за секоја земја, во кои ќе бидат содржани ставовите и препораките на Европскиот парламент за нивниот напредок кон членство во Унијата.
За 5 ноември се предвидени и дијалози за европските финансиски инструменти наменети за Западен Балкан, Молдавија и Украина.
Претставници на Комисијата за надворешни работи и Комисијата за буџети ќе разговараат за спроведувањето на механизмите за реформи и раст наменети за овие земји.
Генералниот директор на Директоратот за соседство и преговори за проширување при Европската комисија, Герт Јан Копман, ќе ги информира европратениците за спроведувањето на реформските програми и исплатата на средствата од ЕУ.
