Политички спор околу највисокиот суд на Полска, Уставниот трибунал, избувна откако владата суспендираше двајца високи судии и покрена постапка за кривични обвиненија против нив.
Полскиот министер за правда, Валдемар Журек, изјави дека побарал одземање на имунитетот од гонење на претседателот на судот, Богдан Швјенчковски, и потпретседателот Бартоломеј Сочански, за да покренат кривични обвиненија против нив.
Десничарските политичари од опозициската партија Право и правда се собраа пред просториите на судот во Варшава на протест. Варшавската полиција пак, соопшти дека постапува по известување од судијката Ана Корвин-Пјотровска за можни закани по животот и здравјето на судиите и вработените, како и за ризик од нарушување на јавниот ред.
Премиерот Доналд Туск објави дека неговата влада дејствува за да го врати владеењето на правото. Во објава на социјалните мрежи, Туск напиша:
„Враќањето на владеењето на правото е наша должност. По години беззаконие на „Закон и правда“, ова е тежок, понекогаш болен процес.”
Полскиот претседател Карол Навроцки го прекина патувањето кон Сенегал и најави итно враќање во земјата по распоредувањето полиција во комплексот на Уставниот трибунал во Варшава и објавувањето одлука за суспензија на неговото раководство.
