Едно лице е убиено, а осуммина други се
повредени во напад на меѓународниот аеродром „Крал Фахд” во Дамам, источна Саудиска Арабија.
Претходно истиот ден, две лица беа убиени откако саудиската воздушна одбрана пресретна беспилотно летало кое се обидуваше да нападне објект на нафтеното поле Шајба на „Сауди Арамко”, соопшти саудиското Министерство за енергетика.
Американската амбасада во Ријад издаде безбедносно предупредување синоќа
поради можни нови напади на Хутите врз Саудиска Арабија. Истиот ден, Стејт департментот им нареди на дипломатите и нивните семејства да ги напуштат американските мисии во земјата.
Ова е најновиот напад врз саудиските аеродроми, во екот на интензивирањето на конфликтот меѓу јеменските Хути и меѓународно признатата јеменска влада, која е поддржана од Саудиска Арабија.
