Хутите објавија дека владините сили поддржани од Саудиска Арабија извршиле воздушни напади врз фабриката за цемент „Хамдан“ во Сана.
Телевизијата Ал Масира емитуваше снимка на која се гледаат пламени јазици во фабриката додека пожарникарите се обидуваат да го локализираат пожарот користејќи машини и вода.
Претходно, Хутите ги обвинија владините сили за убиство на две лица во напад на бензинска пумпа во близина на опколениот јеменски град Таиз, каде што борбите се интензивираат меѓу двете страни.
