Вегетаријанството добива на популарност изминатите години. Најмалку шест проценти од луѓето во Соединетите Американски Држави се сметаат себеси за вегетаријанци.
Слушаме често дека вегетаријанската исхрана може да помогне во забавување на климатските промени, намалување на загадувањето и спасување на животните. Но, дали знаете како вегетаријанската исхрана може позитивно да влијае на вашето здравје? Добро испланираната вегетаријанска исхрана може да ви помогне да живеете подолг и позадоволителен живот, велат експертите.
Според некои истражувања, намалувањето на потрошувачката на месо може да го подобри здравјето на срцето, да помогне во контролата на телесната тежина и да го намали ризикот од хронични заболувања.
Како и секоја година, светот го одбележува „Светскиот ден на вегетаријанците“ на први октомври , фокусирајќи се на намалување на потрошувачката на месо и нагласувајќи ја важноста на исхраната базирана на растенија.
Овој ден во светот се одбележува и со активности насочени кон подигање на свеста за здравјето, животната средина и правата на животните.
